Ուզում եմ, որ բոլորդ լավ հիշեք այս երեկոն, քանի որ այս երեկոն մեր՝ երիտասարդներիս համար լինելու է փոփոխության սկիզբ: Այս մասին ասել է «Ուժեղ Հայաստան» կուսակցության երիտասարդական կառույցի նախագահ Նարեկ Սուքիասյանը:
«Դա լինելու է շնորհիվ մեր ապագա վարչապետ Սամվել Կարապետյանի:
Սա այն պահն է, երբ մենք դադարում ենք մտածել երկիրը լքելու մասին և հստակ պլանավորում ենք, որ մեր ապագան կառուցելու ենք մեր հայրենիքում: Մենք վստահ ենք, որ մեր ապագան կառուցվելու է հենց ՀՀ-ում:
Մենք բոլորիդ ավելի շատ ենք հավատում, քան դուք պատկերացնում եք և Սամվել Կարապետյանը երիտասարդությանը նորից ուժեղ կդարձնի»,-նշել է նա:
