Գագիկ Ծառուկյանը Կոտայքի մարզ այցի ընթացքում անդրադարձել է գյուղական համայնքներում առկա խնդիրներին և զարգացման անհրաժեշտությանը։
Ծառուկյանը ֆեյսբուքյան իր էջում գրել է, որ մարզային այցերը շարունակվում են, և յուրաքանչյուր կանգառում զգում է մարդկանց վստահությունն ու սպասումները։
«Ջերմ ու սրտաբաց ընդունելություն Կոտայքում։ Մարզային այցերը շարունակվում են, և յուրաքանչյուր կանգառում զգում եմ մարդկանց վստահությունն ու սպասումները։ Գյուղերում խնդիրները շատ են, և հաճախ գյուղացին մնում է միայնակ իր հոգսերի հետ։
Մեր մոտեցումը հստակ է՝ գյուղը պետք է դառնա ոչ թե գոյատևման, այլ արժանապատիվ եկամուտի աղբյուր։ Գյուղացին մեր երկրի հենասյունն է՝ սահման պահողը, բերք ու բարիք ստեղծողը, ժողովրդին կերակրողը։
Գյուղի զարգացումն է երկրի ամրությունը, իսկ գյուղացու բարեկեցությունը՝ մեր առաջնահերթությունը»,– նշել է Գագիկ Ծառուկյանը։
