Երեկ Հայկական արժեքների պաշտպանության «Կամք» հասարակական նախաձեռնությունը ՌԴ դեսպանատան դիմաց անցկացրել է «Նոր ուղի», «Մեկ խաչ» կարգախոսներով ակցիա։ Ակցիայի մասնակիցները ՌԴ դեսպանատան աշխատակիցներին են հանձնել ՝ ՀՀ-ում ՌԴ արտակարգ և լիազոր դեսպան Սերգեյ Կոպիրկինին և ռուսաստանաբնակ հայ վերնախավին հասցեագրված նամակներ՝ 212 ծրարներ։
Ակցիայի մասանակիցները նշել են, որ խիստ անհանգստացած են տարբեր պետությունների կողմից ֆինանսավորվող հակառուսական վտանգավոր արշավներից։
«Անհրաժեշտ է մեկնարկել հետևողական գործընթաց հայ-ռուսական նոր որակի հարաբերությունների կառուցման, երկու ժողովուրդների միջև համագործակցության նոր ուղու հետ կապված»,-ընդգծել են ակցիայի մասնակիցները։
ՀԿ-ի ներկայացուցիչների խոսքով՝ առաջիկայում կլինեն նոր նախաձեռնություններ, միջոցառումներ, որոնցով փորձելու են չեզոքացնել հակառաուսական ալիքը։
