«Հայաստանի ղեկավարությունը Ռուսաստանի գործընկերը չէ, այլ՝ հաճախորդը:Միջազգային հարաբերություններում տարբերություն կա գործընկերոջ ու հաճախորդի միջև»: Այս մասին լրագրողների հետ զրույցում ասաց վարչապետ Նիկոլ Փաշինյանի նախկին գլխավոր խորհրդական Արսեն Գասպարյանը: Նրա խոսքով՝ երբ մեկ փոքր պետություն դառնում է մեկ այլ պետության հաճախորդը, այդ հարաբերությունների մեջ գոյություն ունի հիերարխիա ու մեծ պետության որոշ շահեր կարող է սպասարկել:
«Դժբախտաբար, այսօր Հայաստանի ղեկավարությունը Կրեմլի գործընկերը չէ, այլ՝ հաճախորդը, կարծում եմ՝ սա լուրջ խնդիր է հայ-ռուսական հարաբերություններում»,- ընդծեց Գասպարյանը:
Անդրադառնալով Ադրբեջանի հետ բանակցություններին Գասպարյանն ասաց, որ այս պայմաններում չի կարող լինել իրական, դրական արդյունքներով խաղաղության գործընթաց.Հայաստանի և Ադրբեջանի արտգործնախարարները, ղեկավարները, մեկնում են Սոչի՝ հայտարարությունն են ընդունում, մեկնում են Բրյուսել՝ հայտարարություն են ընդունում, մենկում են Վաշինգտոն, և այլն, բայց հաշվի առնելով այսօրվա աշխահաքաղաքական վիճակն ու այս կենտրոնների հակասությունները՝ պայմանավորված ռուս– ուկրաինական պատերազմով, չի կարող այդ գործընթացն արդյունավետ լինել։
« Ես հասկանում եմ, որ գուցե կողմերը մեկնում են, որ այդ կենտրոնների առաջարկները լսեն, և ամենաշահավետը կորզեն, բայց ես կարծում եմ, որ այս գործընթացը չի կարող արդյունավետ լինել։ Այն ժամանակ, երբ կար ԵԱՀԿ Մինսկի խումբը, շատ խոչընդոտներ կային, բայց այն ժամանակ համանախագահողները միասին էին հանդես գալիս հայտարարությամբ, հիմա այս աշխարհաքաղաքական վիճակում, ես չեմ կարծում, որ բանակցությունները կարող են արդյունավետ լինել։ »,–նկատեց Գասպարյանը։
