Գիշերվա ընթացքում իսրայելական օդուժը լայնածավալ հարվածներ է հասցրել Բեյրութում «Հեզբոլլահ» շարժման ահաբեկչական ենթակառուցվածքներին, գրված է Իսրայելի Իսրայելի պաշտպանության բանակի Telegram ալիքում
Հաղորդվում է, որ գործողության մեկնարկից ի վեր Դահիե թաղամասում սա արդեն հարվածների 26-րդ ալիքն է:
Ինչպես նշվում է պաշտոնական հաղորդագրության մեջ, ԻՊԲ հետախուզության տվյալների հիման վրա թիրախավորվել են խմբավորման գործադիր խորհրդի հրամանատարական կենտրոնը և այն պահեստարանը, որտեղ պահվում էին Իսրայելի դեմ օգտագործվող ԱԹՍ-ները։ Հարվածներ են հասցվել նաև բազմահարկ շինությունների, որոնք ծառայել են որպես ռազմական նշանակության օբյեկտներ:
«Այս հրամանատարական կենտրոնները նախատեսված էին Իսրայելի պետության և ԻՊԲ զորքերի դեմ ահաբեկչական հարձակումներ ծրագրելու և իրականացնելու համար»,- նշված է հայտարարության մեջ։
Իսրայելական կողմը շեշտում է, որ մինչ հարվածները ձեռնարկվել են միջոցառումներ՝ խաղաղ բնակչության շրջանում զոհերից խուսափելու համար, ներառյալ՝ նախնական զգուշացումները, ճշգրիտ զինամթերքի կիրառումն ու օդային դիտարկումը:
ԻՊԲ-ն վերահաստատել է իր վճռականությունը՝ շարունակելու պայքարը «Հեզբոլլահի» դեմ՝ նշելով, որ չի հանդուրժի որևէ սպառնալիք Իսրայելի բնակիչների անվտանգությանը:
