«Արդեն երրորդ օրն է՝ ինչ Ադրբեջանը, խախտելով իր միջազգային պարտավորությունները, փակել է Լաչինի միջանցքը, որով կտրել է Հայստանից և աշխարհից ԼՂ-ին։
Երբ մենք խոսում ենք, ԼՂ-ում ապրող մարդիկ զրկված են իրենց ազատ տեղաշարժի իրավունքից, մայրերը իրենց երեխաներից հեռու են, հիվանդները չեն կարողանում բժշկական օգնություն ստանալ։ Դեռ ավելին, այս սառը ձմռան պայմաններում գազի մատակակարումը ԼՂ-ում ևս դադարեցվել է Ադրբեջանի կողմից: Սա կարող է հանգեցնել աղետի, քանի որ այնտեղ կա սննդի և էներգիայի կարիք։
Եվ այս պայմաններում Ադրբեջանի ղեկավարությունը ասում է, որ նրանք պատրաստ են պաշտպանել ԼՂ բնակչության իրավունքներն ու անվտանգությունը։ Ադրբեջանի կողմից իրենց իրավունքների և անվտանգության շուրջ Ստեփանակերտի հետ երկխոսությունից հրաժարվելու դիրքորոշումը վկայում է այն մասին, որ Բաքուն շարունակում է հետապնդել ցեղասպանական քաղաքականություն ԼՂ-ում բնակվող հայերրի նկատմամբ։
Եվ Հայաստանի ու Ադրբեջանի միջև հարաբերությունների կարգավորման ժամանակ, և ԼՂ հարցում Ադրբեջանը հրաժարվում է կատարել իր պարտավորությունները, որոնք ձեռք են բերվել բազմակողմանի ֆորմատով։ Ադրբեջանի ղեկավարության հռետորաբանությունը և մաքսիմալիստական մոտեցումը սնուցող գործողությունները մեծ ռիսկի տակ են դնում Հարավային Կովկասում խաղաղության հասնելու շանսը։
Լեռնային Ղարաբաղի ժողովուրդը պետք է հնարավորություն ունենա արժանապատիվ և խաղաղ ապրել սեփական հայրենիքում»։
