ՀՅԴ կուսակցության անդամների գործով ձերբակալված Հունան Մելքոնյանը նույնպես ազատ է արձակվել։ Տեղեկությունը հայտնում է փաստաբան Վահան Հովհաննիսյանը։
«Արարատի և Վայոց Ձորի մարզերի ընդհանուր իրավասության դատարանը մերժեց քննիչի ներկայացրած կալանավորման միջնորդությունը, իսկ ձերբակալումը ճանաչեց ոչ իրավաչափ»,– ֆեյսբուքյան էջում գրել է Հովհաննիսյանը:
Նշենք, որ նույն գործի շրջանակում ՀՅԴ Արարատի մարզային կոմիտեի անդամ Գառնիկ Մանուկյանը 2 ամսով կալանավորվել է։ ՀՅԴ կուսակցության Արտաշատի տարածքային կառույցի ղեկավար, Արտաշատ համայնքի ավագանու խմբակցության ղեկավար Արտավազդ Մարգարյանն էլ ազատ է արձակվել։
Հիշեցնենք՝ հունվարի 11-ին իրավապահները խուզարկություններ էին իրականացրել ՀՅԴ Արարատի Մարզային կոմիտեի ներկայացուցիչ Գերասիմ Վարդանյանի և այլ ՀՅԴ-ականների տներում: 3 հոգու ձերբակալել էին։
Նրանց մեղադրանք է ներկայացվել ՀՀ քրեական օրենսգրքի 236-րդ հոդվածի 2-րդ մասով (оրինական կամ անօրինական հավաքին մասնակցելուն հարկադրելն անձի կամ նրա մերձավոր ազգականի կամ մերձավորի նկատմամբ բռնություն գործադրելու, գույքը ոչնչացնելու, վնասելու կամ վերցնելու սպառնալիքով կամ շանտաժի միջոցով, ինչպես նաև հավաքին մասնակցելու կամ հավաքին մասնակցելուց հրաժարվելու նպատակով նյութապես շահագրգռելը):
