Մասիսի քաղաքապետ Դավիթ Համբարձումյանն իր ֆեյսբուքյան էջում գրել է.
«Երեկ Կ. Ս. Ստանիսլավսկու անվան դրամատիկական թատրոնում տեղի է ունեցել «Հայաստան-Արցախ-Սփյուռք» ամսագրի կողմից կազմակերպված «Ազգային վարկանիշ 2023» մրցանակաբաշխությունը, որտեղ մրցանակներ են շնորհվել ամենատարբեր ոլորտների ներկայացուցիչների:
Մի շարք անվանակարգերում մրցանակներ են ստացել նաև մեր համայնքի ներկայացուցիչները:
Պաշտոնավարման տարիներին ցուցաբերած պատասխանատվության, նվիրված ու հետևողական աշխատանքի, համայնքի զարգացման գործում անուրանալի ներդրումի համար մրցանակի է արժանացել Մասիսի համայնքապետարանի աշխատակազմի գլխավոր քարտուղար Վարդան Գաբրիելյանը:
Շնորհավորում ենք մեր գործընկերոջը, մաղթում նորանոր ձեռքբերումներ»:
