Ռազմական, քաղաքական գործիչ Գևորգ Գևորգյանն իր ֆեյսբուքյան էջում գրել է․
Արցախը շրջափակված է և շարունակվելու է շրջափակված մնալ, քանի դեռ քաղաքական լուծում չի գտնվել։ Իսկ քաղաքական լուծում գտնել, նշանակում է չեղարկել այն քաղաքական պայմանավորվածությունները, որոնց արդյունքում է այս աղետալի իրավիճակը ստեղծվել։ ադրբեջանը հստակ ցույց է տալիս, որ առաջ է շարժվում Պրահայում, իր, թուրքակենտրոն իր համախոհ նիկոլի և ԵՄ-ի միջև ձեռք բերված պայմանավորվածության հիմքով, որը ոչ այլ ինչ է, քան ԼՂ-ն ամբողջովին վերադարձնել ադրբեջանի կազմ՝ համաձայն 1991-ի Ալմա Աթիի համաձայնագրի։ Իսկ ավելի պարզ ասած` այն է հանձնել Արցախն ամեն գնով և կնքել «խաղաղության» պայմանագիր արևմուտքի հովանու ներքո։ Մի կործանարար փաստ, որի արդյունքում, հաշվի առնելով աևմտյան դեկլարատիվ կոչերն ու ՆԱՏՕ-ական թուրքիայի գործոնը, հստակ է, որ այդ պայմանագիրը ոչ այլ ինչ է լինելու, քան մի փաստաթուղթ, որով ալիևի և նիկոլի ձեռամբ հեռացվելու են բոլոր այն «խոչընդոտները», որոնք խանգարում են թուրքերին իրականացնելու 21-րդ դարի հայերի ցեղասպանության և Հարավային Կովկասը զավթելու թուրքական մեծ ծրագիրը։
Ամեն ինչ կարող է այլ ընթացք ստանալ և հօգուտ Հայաստանի ու Արցախի լինել, միայն ու միայն այս թուրքակենտրոն իշխանության հեռացման և ազգային իշխանություն ունենալու դեպքում։
