«Գիշերը պագրիշկա ենք վառել, որ չսառեն մեռնեն բարուրի երեխաները»: Այս մասին ասաց ՊՆ նախկին վարչական համալիրից տեղահանված և դրսում գիշերած անձանցից մեկը:
Քաղաքացին նշեց՝ մինչև վերջ մնալու են այդտեղ, և հարցին՝ վերջը որն է, պատասխանեց՝ մինչև մեռնենք իրենց ձեռքով:
«Հանրակացարան են առաջարկում մի քանի օրով, որտեղից ազատամարտիկներին են հանում, թափում դուրս»,- ասաց նա և դիտարկմանը, որ Աշխատանքի և սոցիալական հարցերի նախարարությունից ասել են, որ առանձին իրենց համար հանրակացարան կհատկացնեն, պատասխանեց. «Հայաստանում տենց հանրակացարան գոյություն չունի»:
«Ես Արցախի բնակիչ եմ, 40 հազար գումար էին հատկացնում ամսական, դա կտրեցին, որովհետև ստեղ եմ բնակվում: Մի հատ 10 մլն-անոց սերտիֆիկատ են տվել, որ բանկ մտնում ենք, ասում են էդպիսի բան չկա: Բանկն իր տոկոսը պահում է, կանխավճար է ուզում, տակը մնում են կոպեկներ, ես դրանով հավաբուն չեմ կարողանա առնել: Սա նվիրում եմ Փաշինյանին: Ինքն առանց պատերազմի գենոցիդ է անում, թուրքի պլանն է կատարում»,- ասաց քաղաքացին:
