Ժուռնալիստների եվրոպական միության նախաձեռնությամբ Հայաստանի Ժուռնալիստների միությունը կազմակերպել էր դասընթաց հայաստանյան լրագրողների համար։ Հայաստան ժամանած եվրոպացի անվտանգության մասանգետները երկու օր ապրիլի՝ 19-20, լրագրողների հետ թրեյնինգ են իրականացրել, թե ինչպես պետք է աշխատել, պաշտպանվել պատերազի ժամանակ։
Թրեյնինգի ընթացքում անդրադարձ է կատարվել պատերազմական գործողությունների ժամանակ լրագրողական աշխատանքի պլանավորմանը, ռիսկերի գնահատմանը, ողջ մնալու համար անհրաժեշտ քայլերի ապահովմանը, թիմային աշխատանքին։
Լրագրողները նաև գործնականում պայմանական պատերազմի պայմաններում ամփոփել են թրեյնինգի ժամանակ ստացած գիտելիքները։
Բրիտանցի մասանգետի և Strikeball Armenia -ի հետ համատեղ լրագրողները մասնակցել են պայմանական պատերազմի և կիրառել ողջ մնալու կանոնները։ Լրագրողներից մի քանիսը բավականին պատրաստված են եղել, շատերը ՝ ոչ։
Մեր գործընկերների համար դասընթացը կարևոր էր նաև ապրիլյան և 44 օրյա պատերազմների ժամանակ կատարած սխալները հասկանալու, դրանք հետագայում չկրկնելու համար։ Հաշվի առնելով, որ Ադրբեջանը նոր պատերազմի հռետորաբանությամբ է խոսում, էսկալացիայի վտանգ կա, լրագրողները ևս պետք է պատրաստ լինեն ցանկացած իրավիճակում աշխատելու, տեղեկատվություն հաղորդելու հանրությանը։
