Օրեր առաջ ԱԺ նախագահը իր առաջնեկի վերջին զանգի միջոցառմանն է մասնակցել: Չինովնիկը իր գերթանկարժեք հագուստով և կոշիկներով բուռն քննարկումների առիթ է ստեղծել ներկաների շրջանում։ Ընդհուպ կատակել են, թե լրագրողին դատի տվող և կոպեկներով կուտակած փողով հազիվ կոշիկի մի շնուրը կառներ, ընդդիմադիր պատգամավորին դատարանում շահածով էլ վերնաշապիկի մի թևը:
Newday.am-ի ակտիվ հետևորդներից մեկի փոխանցմամբ միջոցառման մասնակիցները ֆիքսել են, որ ԱԺ նախագահը դպրոցական պարզ միջավայրում որդու վերջին զանգի հյուրերին փորձել է զարմացնել Zegna հանրահայտ բրենդի ջինսե տաբատով(€545.00), նույն բրենդի վերջին թրենդային թողարկած կոշիկներով($950.00) և վերնաշապիկով(€540.00)։
Քայլելով ԱԺ ամբիոնին հասած սույն պաշտոնյան, որը հաճախ է մամուլի էջերը ողողում իր մասնակցությամբ գռեհիկ սկանդալային պատմություններով` քաղաքացու վրա թքելով, բաժակով գինի շփելով կամ լրագրողների հետ տարատեսակ անզուսպ պոռթկումներով, այս անգամ իր անհամեստ ու բարձրաստիճան պաշտոնյային ոչ բնորոշ հագուկապով է նկատվել ու դարձել քննարկումների թոփ թեմա` մանավանդ, որ իր մի քանի հազար դոլարանոց օրվա լուքը պատերազմող պետության ու սոցիալական խնդիրների ֆոնին է ճչացել` այն էլ դպրոցական միջավայրում։
