ՀՀԿ փոխնախագահ Արմեն Աշոտյանը ձերբակալվել է ՀՀ քննչական կոմիտեի հատկապես կարևոր գործերի քննության գլխավոր վարչությունում քննվող՝ «Երևանի Մխիթար Հերացու անվան պետական բժշկական համալսարան» հիմնադրամում կատարված առերևույթ չարաշահումներին վերաբերող քրեական վարույթի շրջանակներում, հիմքը խափանման միջոցի պայմանները խախտելն է եղել։
Այս մասին Tert.am-ի հետ զրույցում տեղեկացրեց Քննչական կոմիտեի խոսնակ Գոռ Աբրահամյանը:
Նրա փոխանցմամբ՝ Աշոտյանի հետ այս պահին կատարվում են անհրաժեշտ քննչական գործողություններ։
Աբրահամյանը նաև ասաց, ավելի ուշ ՀՀ քննչական կոմիտեն հանրության համար կոնկրետ մանրամասնություններով ու փաստերով տեղեկատվություն կհրապարակի։
