Գրիգոր Մարտիրոսյանը ֆեյսբուքյան իր էջում տեսանյութ է հրապարակել՝ կից գրելով.
Թշնամին՝ ՀՀ դե ֆակտո իշխանությունների կողմից առանց որևէ կրակոցի Ադրբեջանին հանձնված Ակնայում տեսանկարահանում է իրականացրել, որն ի ցույց է դնում ռազմավարական կարևորագույն բարձունքների վրա գտնվող հայկական խոշոր բունկերներն ու զինապահեստները, որոնք հայկական կողմին հնարավորություն կտային տևական ժամանակ պաշտպանել Ակնան՝ ջախջախելով թշնամական ուժերին։
Տեսանյութը ի չիք է դարձնում իշխանական քարոզչամեքենայի կողմից տարածված միֆը՝ այն է հայկական բանակը՝ և՛ մարդկային, և՛ ռազմամթերքի ռեսուրսների տեսանկյունից թուլացած «թալանված» է եղել,
տեսանյութում թշնամական կողմը ահ ու սարսափով և ուղղակի կերպով արձանագրում է այն փաստը, որ հայկական կողմի վերահսկողության տակ գտնվող ռազմավարական բարձունքներից ճշտգրիտ և խելամիտ մարտերի վարումը կկանխեին թշնամու կողմից Ակնայի գրավումը։
Ակնան այսօր դարձել է ոչ միայն ՀՀ դե ֆակտո իշխանությունների կողմից Ադրբեջանին հանձնված հայկական հերթական տարածքը, այլ նաև այնտեղ բացված ռուս-թուրքական մոնիթորինգային կենտրոնի բացման հետևանքով էականորեն բարելավվել է Թուրքիայի աշխարհաքաղաքական դերակատարությունը տարածաշրջանում,
Վերը նշված փաստը Թուրքիային հնարավորություն է տվել մոնիթորինգային գործունեություն ծավալել մի հակամարտության համատեքստում, որի կարգավորման ավելի քան 20-ամյա գործընթացում Թուրքիային չէր հաջողվել դառնալ հակամարտության կողմ անգամ դիվանագիտական դաշտում։
