Արցախի Հանրապետության ԱԺ նախագահ Արթուր Թովմասյանը վաղը՝ հուլիսի 29-ին հրաժարականի դիմում կներկայացնի: Թովմասյանի հայտարարությունը տարածել է Արցախի Հանրապետության Ազգային ժողովի լրատվության և հանրության հետ կապերի բաժինը։
«Սիրելի´ հայրենակիցներ
Իմ անձնական որոշմամբ քաղաքական պատասխանատվություն եմ վերցնում՝ հեռանալու Ազգային ժողովի նախագահի պաշտոնից, բայց միշտ հավատարիմ կմնամ 1991 թվականին մեր ժողովրդի կողմից հանրաքվեով ընդունված գաղափարին:
Մինչև վերջին շունչս ծառայելու եմ Հայաստանի Հանրապետությանը և նրա ժողովրդին, Արցախի Հանրապետությանը և նրա ժողովրդին:
Աստված պահապան հայ ժողովրդին:
Վաղը կներկայացնեմ հրաժարականի դիմում», — ասված է հայտարարության մեջ։
