ԱԺ նախկին պատգամավոր Արման Աբովյանը ֆեյսբուքյան իր էջում գրում է.
Իրավիճակը եվրդիտորդների առաքելության շուրջ ամբողջովին «տաքացավ»:
Փաստորեն, եվրոպական դիտորդների առաքելությունը թուրք-ադրբեջանական օկուպանտների հետ միահամուռ հերքեցին մեր Պաշտպանության նախարարությունը, որն ավելի վաղ հայտարարել էր թուրք-ադրբեջանական օկուպանտների կողմից եվրոադիտորդներին գնդակոծման մասին։
Այսինքն իրենք մեր ՊՆ-ին մեղադրեցին ստի մեջ։
Հստակեցնեմ.
Ես վստահ եմ, որ եվրադիտարկողների վրա կրակ է եղել, եվրադիտարկողները նույն բանը շատ լավ գիտեն , ազերները նույն բանը գիտեն, որ կրակոցները եղել են, քանի որ իրենք էլ են կրակել ։
Ուրեմն, ինչն՞ է պատճառը, որ եվրադիտորդները անձնուրաց արդարացնում են օկուպանտներին և թուրք-ադրբեջանական օկուպանտների հետ միասին ակտիվորեն վարկաբեկում են Հայաստանի Պաշտպանության նախարարությունը, ՄԱԿ-ի Անվտանգության խորհրդի նիստի նախաշեմին։
Պատասխանն ակնհայտ է։
