ԱՄՆ պետքարտուղար Էնթոնի Բլինքենն այսօր խոսել է Ադրբեջանի նախագահ Իլհամ Ալիևի հետ ՝ կոչ անելով Ադրբեջանին անհապաղ դադարեցնել ռազմական գործողությունները Լեռնային Ղարաբաղում և ապաէսկալացնել իրավիճակը:
Այս մասին հայտնում են ԱՄՆ պետքարտուղարությունից:
Պետքարտուղարն ընդգծել է, որ ռազմական լուծում գոյություն չունի, և որ կողմերը պետք է վերսկսեն երկխոսությունը ՝ Լեռնային Ղարաբաղում Բաքվի և էթնիկ հայերի միջև շարունակվող տարաձայնությունները կարգավորելու համար:
Պետքարտուղարը նշել է նախագահ Ալիևի կողմից ռազմական գործողությունները դադարեցնելու և Ադրբեջանի ներկայացուցիչների և Լեռնային Ղարաբաղի բնակչության միջև հանդիպում անցկացնելու պատրաստակամությունը և ընդգծել անհապաղ իրականացման անհրաժեշտությունը:
Հիշեցնենք, որ Ադրբեջանը սեպտեմբերի 19-ին զանգվածային ռազմական ագրեսիա է սկսել Արցախի նկատմամբ՝ իր գործողությունները որակելով տեղային «հակաահաբեկչական միջոցառումների» մեկնարկ: Վերջին տվյալներով՝ Արցախում կա 27 զոհ, որոնցից 2-ը խաղաղ բնակիչներ են:
