Գազայի հատվածից տասնյակ հրթիռներ են արձակվել Իսրայելի ուղղությամբ, հայտնում է ՌԻԱ Նովոստիի թղթակիցը։ Հաղորդվում է, որ հրթիռային հարձակման մասին նախազգուշացնող ազդանշաններ են հնչել Թել Ավիվում։
«Ազդանշանը հստակ լսելի է եղել քաղաքի հյուսիսային հատվածում: Իսրայելական բանակի հաղորդմամբ՝ ազդանշաններ են հնչել նաև երկրի կենտրոնական հատվածում»,- հայտնել է նա։
Իսրայելի պաշտպանության բանակը նաև հայտարարել է Գազայի հատվածից սահմանամերձ շրջաններ «անորոշ թվով» զինյալների ներթափանցման մասին: Շարունակվող հրթիռակոծման և սահմանամերձ շրջաններ զինյալների ներթափանցման ֆոնին Իսրայելի պաշտպանության նախարար Յոավ Գալանտը հայտարարել է պահեստազորի զանգվածային հավաքի մասին, արտակարգ դրություն է հայտարարվել Գազայի հատվածում և 80 կմ շառավղով։ Իսրայելի պաշտպանության բանակն իր հերթին հայտարարել է, որ պատրաստ է պատերազմի:
Երկրի վարչապետ Բենիամին Նեթանյահուն արդեն պաշտպանության նախարարության կենտրոնակայանի ճանապարհին է, որտեղ խորհրդակցություն է անցկացվելու ուժային բլոկի հրամանատարության հետ։
Հարավային և կենտրոնական շրջանների խաղաղ բնակիչներին հորդորվել է մնալ ապաստարանների մոտ, իսկ Գազայի հատվածին հարող տարածքում՝ ապաստարանների ներսում։
Իսրայելի հրթիռակոծման հետևանքների կադրերը՝ Tert.am-ի թելեգրամյան ալիքում։
