Ռուսաստանի փոխարտգործնախարար Միխայիլ Գալուզինը RBC-ին տված հարցազրույցում նշել է, որ Երևանը և Բաքուն պետք է կարգավորեն Արցախի նախկին ղեկավարների ձերբակալման հարցը:
Գալուզինը նշել է, որ խոսքն առաջին հերթին Հայաստանի քաղաքացիների կամ Ռուսաստանի քաղաքացիությունից ինքնակամ հրաժարվածների մասին է, ուստիև այս հարցերը պետք է լուծվեն առաջին հերթին Հայաստանի և Ադրբեջանի Հանրապետության իշխանությունների միջև:
Նա նաև ավելացրել է, որ ինչ-որ փուլում պաշտոնական Երևանը սկսել է ասել, որ ինքը որևէ կապ չունի Արցախի հայերի ճակատագրի հետ, և Արցախի հետ կապված բոլոր հարցերը պետք է լուծվեն Արցախում բնակվող հայերի և Ադրբեջանի իշխանությունների երկխոսության շրջանակում:
