Բաքվի կողմից գերեվшրվшծ լիբանանահայ Վիգեն Էուլջեքյանի կյшնքը մшզից է կшխվшծ. կինն шհшզшնգում է

«Վիգէնի կեանքը մազի թելէ կախուած է»,-այս մասին «Արեւելք»-ին յայտնեց Վիգէնի կինը՝ Լինտա Իւլճէքեանը։

Ան նաեւ նշեց, որ Վիգէնի առողջական վիճակը կտրուկ վատացած էր, լսելէ ետք իր մօր մահուան լուրը։

Լինտա նաեւ նշեց, որ վերջին շրջանին շատ հազուագիտ կերպով կը կապուին Վիգէնին հետ, ու այդ կապերուն ընթացքին բացայայտ կը դառնայ, որ Վիգէն կը տառապի առողջական լուրջ խնդիրներով ու հարկաւոր է զինք վայրկեան առաջ ազատել Պաքուի բանտերէն։

Լինտա, որ նաեւ տարբեր մտքեր յայտնեց իրենց կողմի Վիգէնի ազատութեան համար գործադրուելիք քայլերուն մասին, չուզեց իր ունեցած բոլոր տուեալները հաղորդել։

Աւարտին ան յոյս յայտնեց, որ իր խօսքը արագօրէն տեղ կը հասնի ու Հայաստանի եւ Սփիւռքի հասարակութիւնը կը շարժի Վիգէնի կեանքը փրկելու համար։

Նշենք, որ Արցախի 44-օրեայ պատերազմի աւարտէն օրեր անց Վիգէն եւ անոր բարեկամուհին ՝ Մարալը գերի առնուած էին Ատրպէյճանի կողմէ։ Մինչ Մարալ ազատ արձակուած ու վերադարձուած էր Լիբանան, անդին Վիգէնին դէմ հրապարակուած էր 20 տարուան բանտարկութեան պատիժ։