Ներհամայնքային ընտրությամբ ձևավորվել են «Այբ» կրթական հիմնադրամի և «Այբ» դպրոցի հոգաբարձուների խորհուրդների նոր կազմերը։ Ընտրված բարձրագույն ղեկավար մարմիններն իրենց լիազորությունները կատարելու են երկու տարի ժամկետով։
«Այբ» կրթական հիմնադրամի 10-րդ ՀԽ կազմն է՝ Արամ Փախչանյան, Դավիթ Փախչանյան, Տիգրան Հարությունյան, Հակոբ Մոմջյան և Կարո Սարգսյան։ Հոգաբարձուների խորհրդի նախագահ է վերընտրվել Արամ Փախչանյանը։
Հիմնադրամի բարձրագույն ղեկավար մարմնի ընտրությունները կայացել են ըստ գործող կանոնակարգի՝ թափանցիկության և համայնքի ներառականության սկզբունքներով։
«Այբ» դպրոցի 7-րդ ՀԽ նոր կազմն է՝ Սարգիս Բադալյան, Աշոտ Մկրտչյան, Արտավազդ Մինասյան, Դավիթ Փախչանյան, Եվա Արևիկյան, Իրինա Գեյկո, Լևոն Բուդաղյան, Լիլիթ Պետրոսյան, Տիգրան Բունիաթյան, Տիգրան Հարությունյան, Րաֆֆի Ֆըսթըգճյան: Հոգաբարձուների խորհրդի նախագահ է ընտրվել Սարգիս Բադալյանը։
Կառավարող այս կազմերը, որոնցում «Այբ» գաղափարի ակունքներում կանգնած նվիրյալներ են և ապագայի կրթության մեջ ներդրողներ, կառաջնորդեն «Այբ»-ին դեպի նոր կրթական նպատակներ և կշարունակեն լավագույն կրթությունը բոլորին հասանելի դարձնելու մեր առաքելությունը։
