«GALLUP International association»-ի հայաստանյան ներկայացուցչության տնօրեն Արամ Նավասարդյանը այսօր հրավիրված ասուլիսում լրագրողների հետ զրույցի ժամանակ ներկայացրել է Երևան քաղաքի խնդիրներին վերաբերվող վերջին սոցհարցումների արդյունքները:
Հարցումն իրականացվել է Երևանի 800 բնակչի շրջանակում հեռախոսազանգերի միջոցով դեկտեմբերի 13-ից 16-ը:
Ըստ հարցման արդյունքների՝ Երևան քաղաքի բնակիչների մեծ մասը բացասական վերաբերմունք ունի Երևանի ավագանու որոշման նախագծին, ըստ որի՝ 2024 թվականի հունվարի 1-ից մայրաքաղաքի կենտրոնում ավտոկայանատեղիում կարմիր գծերում կայանելու համար վճարը կսահմանվի 160,000 դրամ, իսկ կենտրոնից դուրս 24,000 դրամ:
Ընդհանուր Երևանի բնակիչների շրջանում 13%-ը լիովի դրական է վերաբերվում որոշմանը, 13,1%-ը ավելի շուտ դրական, 16,1%-ը ավելի շուտ բացասական, 52,9%-ը ընդհանրապես բացասական:
Հարցումն առանձին իրականացվել է Կենտրոնի բնակիչների շրջանակում և վարորդների շրջանակում, սակայն թիվը առանձնապես չի փոխվել:
