ՏԱՍՍ-ը գրում է՝ ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանը տեսնում է Հայաստանի և Ադրբեջանի միջև խաղաղության համաձայնագիր կնքելու քաղաքական կամք և աջակցում է այդ քայլին։
Ըստ Պեսկովի՝ գլխավորն այն է, որ իրենք տեսնում են քաղաքական կամքի առկայություն երկու կողմից՝ և՛ Բաքվից, և՛ Երևանից: Սատարում են դրան և կարծում են, որ նման համաձայնագրի կնքումը օգտակար կլինի և՛ երկու երկրի, և՛ ողջ տարածաշրջանում կայունության ու խաղաղության համար։
Ինչպես նշել է Պեսկովը՝ ռուսական կողմը փաստում է, որ Հայաստանն ու Ադրբեջանը «շարժվում են խաղաղության պայմանագրի շուրջ աշխատանքներն ավարտելու ուղղությամբ»։
