ՏԱՍՍ-ին տված հարցազրույցի ընթացքում ՌԴ ԱԳՆ ղեկավար Սերգեյ Լավրովը ասել է, որ ցավոք, պաշտոնական Երևանը, ենթարկվելով արևմտականների համոզմանը, փորձում է վերաձևակերպել իր արտաքին քաղաքական գիծը, և Մոսկվայի հետ ժամանակի ընթացքում փորձված դաշինքը փոխարինում է ոչ թե Արևմուտքի կոնկրետ օգնության, այլ լոկ մշուշոտ խոստումների հետ։
Ըստ Լավրովի՝ ռազմավարական շրջադարձի ընթացքն արդարացնելու համար նրանք փորձում են Ռուսաստանին մեղադրել հանրապետության բոլոր դժբախտությունների, այդ թվում՝ Ղարաբաղի կորստի համար։
Լավրովը նաև ասել է, որ իրենք բազմիցս հրապարակավ խոսել են ռուսական մտահոգությունների մասին, հիմա իմաստ չունի կրկին թվարկել Հայաստանի իշխանությունների անբարյացակամ քայլերը։
Լավրովը ընդգծել է, որ Հայաստանը Ռուսաստանի համար եղել և մնում է Հարավային Կովկասում ռազմավարական դաշնակից:
