ՀՀԿ խորհրդի անդամ Տիգրան Վարդանյանը ֆեյսբուքյան իր էջում գրում է.
Էխ Բորիս, Բորիս…քո գործն էլ գործ չի: Ամբողջ օրը ցեխերի, ջրեր մեջ…
Գաղտնիք չէ, որ խառնակչությունը (առավել հայտնի է մուտիլովչիկությունը), բանբասանքն ու բանսարկությունը նիկոլի իշխանության հիմնական գործելաոճն է: Այն պարզվում է, որ բացի նիկոլականներից՝ լայն կիրառում է ստացել նաև որոշ “ընդդիմադիրների” մոտ:
Լրագրող Բորիս Մուրազին ևս, իր կամքով կամ այլ շահադիտական նպատակներով, թաթախվել է այդ ախտի մեջ: Ցավոք արդեն տևական ժամանակ է, ինչ սույն անձը, իրեն չխնայելով, երբեմն նաև ավելորդ էնտուզիազմով, գրեթե ամենօրյա ռեժիմով զբաղվում է մուտիլովչիկությամբ ու ստահոդ տեղեկություններ տարածելով:
Պրիմիտիվ ու էժանագին գործելաոճն այնքան տեսանելի են, որ դժվար չէ գլխի ընկնել Բորիսի նպատակների մասին. լրացուցիչ աջակցություն ցուցաբերել նիկոլի դավադիր իշխանությանը, հնարավորության դեպքում՝ պառակտելով ու սեպ խրելով ազգային ընդդիմադիր դաշտում:
Ինչ խոսք, չի բացառվում, որ որոշ ուժերի հանգիստ չի տալիս 2018թ-ին գործած իրենց ծայրահեղ սխալ ու աններելի արարքները, որի արդյունքում նիկոլը հայտնվեց Հայկական պետականությունը քայքայողի և Արցախը թշնամուն հանձնողի իր դերում: Անշուշտ նրանք բոլորն էլ հասկանում են, որ 2018թ. ապրիլ-մայիս ամիսներին փողոցներ փակելով ու իշխանափոխությունը ողջունելով՝ նիկոլի հետ անուղղակիորեն հայտնվել են պատասխանատվության նույն դաշտում: Չի բացառվում նաև, որ նրանցից շատերը հասկանում են, որ իշխանության համար մղվող այսօրվա իրենց պայքարում խոցելի են այնքան, որ ցանկացած ժամանակ նրանց կարող են հիշեցնել 2018թ. իրենց հեղափոխական կեցվածքն ու նիկոլական հայտարարությունները:
Ուստի, Բորիս Մուրազին մեկն է այն ավանգարդիստական մարտիկներից, ով իր վրա է վերցրել գոյություն չունեցող մեղքերը Հանրապետականների վրա բարդելու անշնորհակալ գործը:
Բորիս, պատմությունը քեզ միևնույն է, լավով հաստատ չի հիշելու երկու պատճառով. նախ 2018թ. համար, և երկրորդ՝ ներկայիս քո պառակտիչ ու խառնակիչ գործունեության համար: Հատկապես հիմա, երբ հասարակության զգալի հատվածի հույսերն ու հավատն ուղղվում է դեպի միասնական ընդդիմությունը, քո գործունեությունը բացի նիկոլի մահաբեր իշխանությունը երկարաձգելու փորձերից, այլ կերպ չի կարող գնահատվել:
Իհարկե, խոսքի ազատությունը կարևոր հանգամանք է, բայց ցանկացած խոսք պետք է նախ և առաջ նպատակ ունենա: Եթե կարծում ես, որ քո տարածած ստերն ու կեղծիքը, բացի քո նյութական բարորությունից, այլ օգտակարություն է ունեանալու՝ չարաչար սխալվում ես:
Հանրապետականը ծով համբերությամբ ու շատերի կաշին դաբախանից ճանաչելով, վաղուց արդեն հանգիստ է վերաբերում իր հասցեին հնչեցվող բոլոր տիպի ստերին, կեղծիքներին ու բանսարկություններին: Մի համոզումով, որ ժամանակն ամեն բան իր տեղն է դնում, այնպես ինչպես վեջին հինգ տարիները եկան ապացուցելու, որ ընդդիմադիր Հանրապետականը ճշմարտացի էր գրեթե բոլոր հարցերում ու զգուշացումներում:
