Korrespondent.net-ը հայտնում է, Ուկրաինայի Զինված ուժերի գլխավոր շտաբի ամփոփագրում ասվում է, որ անցած 24 ժամվա ընթացքում ռուս-ուկրաինական ռազմաճակատում 56 բախում է տեղի ունեցել։
Ըստ ամփոփագրի՝ ընդհանուր առմամբ, հակառակորդը 48 հրթիռային և 112 ավիահարված է հասցրել, ինչպես նաև համազարկային կրակի կայանքներից 73 հարված է հասցրել մեր դիրքերին և բնակավայրերին:
Նշվում է, որ ռուսական ահաբեկչությունների հետևանքով խաղաղ բնակչության շրջանում կան զոհեր և վիրավորներ, այդ թվում՝ երեխաներ։
Lenta.ru-ն հավելում է, որ հունվարի 24-ի առավոտյան Ուկրաինայի զինված ուժերը փորձել են հարձակվել ՌԴ Օրյոլի մարզի վրա։ Նահանգապետ Անդրեյ Կլիչկովի խոսքով՝ ՀՕՊ համակարգերն ուկրաինական անօդաչու սարքերը որսացել են շրջանի մայրաքաղաքի Ժելեզնոդորոժնի և Հյուսիսային շրջաններում։ Նշվում է, որ անօդաչուների գրոհի հետևանքով կոտրվել են բնակելի շենքերի ապակիները:
