ՌԻԱ «Նովոստի»-ն գրում է, որ ՌԴ պաշտպանական արդյունաբերությունը մի քանի անգամ մեծացրել է զենքի և զինամթերքի արտադրությունը, ասել է պաշտպանության նախարար Սերգեյ Շոյգուն՝ ամփոփելով 2023 թվականին զենքի և ռազմական տեխնիկայի մատակարարման, ինչպես նաև ենթակառուցվածքների կառուցման արդյունքները։
Շոյգուն ասել է, որ իրենց հաջողվել է էապես մեծացնել հիմնական պահանջարկ ունեցող սպառազինության և զինամթերքի արտադրությունը, մասնավորապես, դրան նպաստել է արտադրական հզորությունների ընդլայնումն ու արդիականացումը, ինչպես նաև աշխատանքի արտադրողականության բարձրացումը։
Ըստ Շոյգուի՝ արտադրության աճը պահանջում էր մեծ թվով որակյալ մասնագետների ներգրավում, որոշ ձեռնարկություններ անցել են շուրջօրյա աշխատանքային գրաֆիկի։
