Թեմուր Շահնազարյանը նշանակվել է Զինված ուժերի գլխավոր շտաբի օպերատիվ գլխավոր վարչության պետ-զինված ուժերի գլխավոր շտաբի պետի տեղակալ՝ ազատվելով Հայաստանի Հանրապետության զինված ուժերի կապի զորքերի պետ-կապի և ավտոմատացված կառավարման համակարգերի վարչության պետի պաշտոնից, համապատասխան հրամանագիրը ստորագրել է նախագահ Վահագն Խաչատուրյանը։
Նախագահի մեկ այլ հրամանագրով՝ Վիգեն Մկրտչյանը նշանակվել է Զինված ուժերի գլխավոր շտաբի կապի զորքերի պետ-կապի և ավտոմատացված կառավարման համակարգերի վարչության պետ:
Մեկ այլ հրամանագրով էլ Վաչագան Ներսեսյանն ազատվել է Հայաստանի Հանրապետության զինված ուժերի պատրաստության գլխավոր վարչության մարտական պատրաստության վարչության պետի պաշտոնից: Այդ պաշտոնին նշանակվել է Դավիթ Ալեքսանյանը։
Նախագահի մեկ այլ հրամանագրով՝ Արմեն Սեյրանյանը նշանակվել է Զինված ուժերի գլխավոր շտաբի ռազմավարական պլանավորման վարչության պետ:
Արսեն Մանգասարյանն ազատվել է Խաղաղապահ ուժերի բրիգադի հրամանատարի պաշտոնից:
Նախագահի մեկ այլ հրամանագրով՝ գնդապետ Արսեն Մանգասարյանը նշանակվել է Վազգեն Սարգսյանի անվան ռազմական ակադեմիայի պետ, հրամանագիրը ստորագրել է նախագահ Վահագն Խաչատուրյանը։
Վահագն Խաչատուրյանի մեկ այլ հրամանագրով՝ Խաղաղապահ ուժերի բրիգադի հրամանատար է նշանակվել Համլետ Լևոնյանը։
