Կառավարության այսօրվա նիստի ժամանակ Նիկոլ Փաշինյանը հայտարարեց, որ Ադրբեջանը խուսափում է գնալ կոնկրետ լուծումների՝ փորձ անելով գնալ տեղայնացման ճանապարհով։
Ադրբեջանը պարբերաբար խոսում է, ինչպես ինքն է ձևակերպում, 4 գյուղերի տարածքների մասին, միևնույն ժամանակ հրաժարվելով ընդունել, որ ադրբեջանական օկուպացիայի տակ են գտնվում ՀՀ 31 ոչ անկլավային գյուղերի՝ կենսական նշանակության տարածքներ, այսինքն այս «4։31»-ը վերաբերում է ոչ անկլավային գյուղերին։
Նիկոլ Փաշինյանը ընդգծեց, որ համաձայն են նույնիսկ սահմանագծում իրականացնել մարզ առ մարզ՝ ամեն հատվածում վերարտադրելով սահմանը, և ապա իրականացնել զորքերի ճշգրտում՝ ըստ վերարտադրված սահմանագծի, իսկ էքսկլավային հարցերը թողնել վերջին փուլին։ Այսինքն կա երկու տարբերակ՝ կա՛մ ամբողջ սահմանագծով իրականացնել սահմանագծում և անցնում դրա իրագործմանը, կա՛մ կտորների են բաժանում սահմանն ու կտոր-կտոր սահմանագծումով գնում առաջ։
Ըստ Փաշինյանի՝ իրենց համար երկու տարբերակն էլ ընդունելի է։ Սակայն, Ադրբեջանը, կարծես թե խուսափում է նաև այս տարբերակից։
