Լրագրողների հետ զրույցում ԱԺ ֆինանսաբյուջետային հանձնաժողովի նախագահ, ՔՊ-ական Գևորգ Պապոյանը՝ անդրադառնալով իր՝ էկոնոմիկայի նախարար նշանակվելու մասին խոսակցություններին ասել է, որ նման առաջարկ չի ստացել։
Նա պատասխանեց, որ ինքը ԱԺ-ում է, աշխատում են, հանձնաժողովի նիստի են։
ԱԺ-ի հանձնաժողովի աշխատանքը պակաս պատասխանատու չէ, քան նախարարի աշխատանքը, նույնիսկ ինձ ինչ-որ տեղ զարմացնում է այդ հարցադրումը, նույն կարգի պատասխանատու և կարևոր աշխատանք է։
Պապոյանը նշել է, որ կուսակցությունում դեռևս չկա որոշում, թե ով պետք է նշանակվի Էկոնոմիկայի նախարար։
Այս պահին նման որոշում գոնե ինքը գիտի, որ չկա, կուսակցությունում չեն էլ քննարկել, բայց դեռ կքննարկեն։
Նշենք, որ փետրվարի 14-ին Վահան Քերոբյանը էկոնոմիկայի նախարարի պաշտոնից հրաժարական է տվել, որից հետո նրան մեղադրանք է առաջադրվել «Սիներջիի» վերաբերյալ քրեական գործով։ Նրա նկատմամբ կիրառվել է երկամսյա տնային կալանք:
