ԱԺ-ում լրագրողների հետ ճեպազորւյցի ժամանակ ԱԺ նախագահ Ալեն Սիմոնյանը հայտնեց, որ «Զվարթնոց» օդանավակայանից ռուս սահմանապահներին դուրս բերելու վերաբերյալ քննարկումներին չի մասնակցել, բայց կարծում է՝ ճիշտ կլինի, որ նրանք այնտեղից դուրս գան։
Ըստ Սիմոնյանի՝ Հայաստանը կպաշտպանի իր երկրի սահմանները։
«Ես վստահ չեմ, որ իրենք մեր երկրի սահմանները կպաշտպանեն, դուք վստա՞հ եք, մի քանի անգամ ապացուցվել է, որ չպաշտպանեցին, ամեն ինչ արեցին, որ սահմանները շատ ավելի խոցելի լինեն։ Եկան Ղարաբաղ՝ ի՞նչ արեցին։ Եկան Ղարաբաղ և հայ ժողովրդին դուրս ուղեկցեցին»,- ասաց ԱԺ նախագահը։
Այն հարցին, թե ի՞նչ հիմքով են ռուս զինվորականները կանգնած Ներքին Հանդում, Ալեն Սիմոնյանն ասաց. «Ես չգիտեմ՝ իրավական հիմքի վերաբերյալ, բայց պետք է ասեմ, որ դա նույնպես քննարկման առարկա է»։
