ՀՀ զինված ուժերի գլխավոր շտաբի պետի նախկին տեղակալ Տիրան Խաչատրյանը գոհ է դատարանի այսօրվա որոշումից, որ ազատ արաձակվեց, սակայն նշեց՝ դատարանի որոշումը վերջնական չի։
Ըստ Խաչատրյանի՝ վերջնական որոշում չի, բայց միջանկյալ հատվածի համար գոհ է։
Խաչատրյանը հայտարարեց, որ իրեն մեղավոր չի ճանաչում։
«Ես որևէ մեկին վնասելու, վիրավորելու փորձ չեմ արել, ձգտում չեմ ունեցել։ Ես հնարավորություն ունեցել եմ շատ ավելի վատ բաներ անելու»,- ասաց նա։
Ըստ Խաչատրյանի՝ իրեն կալանավորել են քաղաքական դրդապատճառներով։
«Ես հակված եմ այդպես ընդունել, այդ մոտեցումը դրսևորվել է իմ նկատմամբ»,- ասաց նա։
Նշենք, որ դատարանն այսօր որոշում կայացրեց կալանքից ազատ արձակել Տիրան Խաչատրյանին։
