Նոր Նորքի Լվովյան փողոցի որոշ հատվածներում ապօրինի բնակելի շինություններում բնակվող քաղաքացիները այսօր բողոքի ակցիա են կազմակերպել Երևանի քաղաքապետարանի դիմաց:
Նրանց պահանջն է եղել չքանդել իրենց տները, որտեղ իրենք ապրում են:
Ակցիայի մասնակիցներից մեկը լրագրողների հետ զրույցում նշեց, որ իրենք հավաքվել են քաղաքապետարանի մոտ, որպեսզի խնդրեն քաղաքապետ Տիգրան Ավինյանին՝ կազմակերպել հանդիպում, որ ներկայացնեն իրավիճակը: Այդ տարածքում դեռ Կարեն Դեմիրճյանի ժամանակ եղել է Կաքավաձոր եւ Բերդաձոր այգեգործական ընկերություն: Այդ 4 հեկտար տարածքում խիտ բնակեցված ապրում են մարդիկ ընտանիքներով, ապրում են 1990-ականներից:
Ապրում են նաև Արցախից բռնի տեղահանված մեր հայրենակիցները, կամ բազմաթիվ անչափահասներ: Այդ հատվածը կառուցապատվել է բնակիչների կողմից և բնակիչները չունեն այլ բնակարաններ, որ տեղափոխվեն:
Ըստ ակցիայի մասնակցի՝ այդ տարածքում բոլոր հարմարություններ կան՝ լույս, ջուր, գազ, ասֆալտ, և բոլորը կազմակերպվել է տեղի բնակիչների ուժերով: Կան բազամթիվ և՛ բարձրահարկ շինություններ, և՛ նորակառույց շինություններ, և՛ սեփական տներ, որոնք սեփականաշնորհվել են:
