ՆԳՆ-ից NewDay.am-ին հայտնում են․
Ապրիլի 3-ին Ներքին գործերի նախարարությունում տեղի է ունեցել մամուլի ասուլիս՝ ՆԳ նախարարության կողմից իրականացված օրենսդրական բարեփոխումների արդյունքում Վարչական իրավախախտումների վերաբերյալ օրենսգրքում կատարված փոփոխությունների թեմայով:
Մասնակցում էին ՆԳ նախարարի մամուլի քարտուղար, Հանրային հաղորդակցության և իրազեկման վարչության պետ Նարեկ Սարգսյանը, ՆԳՆ ոստիկանության պարեկային ծառայության պետի տեղակալ, ոստիկանության գնդապետ Արման Չիլինգարյանը և Ճանապարհային ոստիկանության դատական քննության բաժնի պետ, ոստիկանության փոխգնդապետ Հայկ Վարդանյանը։
Ներկայացվել են պարեկային ծառայողի կողմից և տեսալուսանկարահանող սարքերով արձանագրված իրավախախտումների շրջանակում կիրառվող բոնուսային համակարգերի վերաբերյալ պարզաբանումներ։
Ասուլիսի մասնակիցները պատասխանել են նաև լրագրողների հարցերին։
