ՀՀ առողջապահության նախարար Անահիտ Ավանեսյանը իր ղեկավարած գերատեսչությունում իրականացված խուզարկությունների մասին տեղյակ չէ։
Լրագրողների հետ զրույցում նա նշեց, որ կառավարությունում նիստի է եղել և կատարվածի մասին մամուլից է իմացել։
Ավանեսյանի խոսքով՝ ինքը որևէ գործի շրջանակում վերջերս չի հարցաքննվել։
Հիշեցնենք` ՔԿ-ն ավելի վաղ հայտնել էր, որ այսօր խուզարկություններ են կատարվել ՀՀ առողջապահության նախարարությունում և բժշկական կենտրոններից մեկում, ըստ ԶԼՄ–ների` «Ուիգմոր քլինիք» ԲԿ-ում:
Տնօրեն Զավեն Քոլոյանը ձերբակալվել է կամ բերման ենթարկվել:
