ՀՀ ոստիկանությունից NewDay.am-ին հայտնում են․
Ծառայողական պարտականությունները բարեխղճորեն կատարելու, ինչպես նաև Ոստիկանության 106-րդ տարեդարձի կապակցությամբ՝ ապրիլի 17-ին ՆԳ նախարարությունում տեղի ունեցավ պարգևատրման արարողություն։
Մինչ պարգևների հանձնումը՝ ՆԳՆ ոստիկանության պետ-ներքին գործերի նախարարի տեղակալ Արամ Հովհաննիսյանը Ոստիկանության օրվա կապակցությամբ շնորհավորեց ներկաներին և շնորհակալություն հայտնեց բարեխիղճ ծառայության համար։
Արամ Հովհաննիսյանը ծառայողական պարտականությունները լավագույնս կատարելու համար «Համագործակցության համար» մեդալներ հանձնեց ոստիկանության բարձրաստիճան մի խումբ սպաների:
Իսկ ծառայության մեջ աչքի ընկած 22 պարեկային ծառայողի շնորհվեց «ոստիկանության լեյտենանտ» սպայական կոչում։
