Խորհրդարանական ճեպազրույցների ժամանակ ՔՊ-ական պատգամավոր Արթուր Հովհաննիսյանը, անդրադառնալով Բագրատ Սրբազանի հայտարարությանն այն մասին, որ ՔՊ բարձրաստիճան անդամներ արդեն ներքին ուղերձներ են հղում իրեն, թե ինչպես կարող են միանալ շարժմանը հայտարարեց, որ չգիտեն որտեղից են գալիս նման հայտարարությունները, ինչ հիմնավորումներով և ինչի համար են արվում:
Ըստ Հովհաննիսյանի՝ ՀՀ-ն ժողովրդավար երկիր է, հավաքների ազատությունն ապահովված է բոլոր քաղաքացիների համար, 2018թ. ոչ բռնի, թավշյա և ժողովրդական հեղափոխությանից հետո բոլորն ականատես են եղել դրան, մեկնաբանություն չունի այլ առնչությամբ:
ՔՊ կուսակցությունն այս պահին ամբողջությամբ լծված է ՀՀ անվտանգությունն ապահովելու գործում, սահմանազատման և սահմանագծման գործընթացին, խաղաղության գործընթացն առաջ տանելու գործում։
Լրագրողը հարց ուղղեց՝ արդյոք Հովհաննիսյանը չի բացառաում, չի հերքում՝ նման մարդիկ կարող են լինել, նա պատասխանեց.
«Եթե որևէ հիմնավորում կբերեք, ինչ-որ նյութ կլինի մեկնաբանելու, ապա կմեկնաբանեմ, բայց օդից վերցրած հայտարարություններն ու պնդումները մեկնաբանելու խնդիր չեմ տեսնում»:
