Լրագրողների հետ զրույցում ԱԺ «Հայաստան» խմբակցության պատգամավոր Գառնիկ Դանիելյանը հայտնեց, որ ամբողջ աշխարհը պետք է հասկանա՝ Հայաստանում ինչ բարքեր են տիրում:
Ըստ Դանիելյանի՝ երեկ ամբողջ օրը պատգամավորներին հետապնդել են: Դաշտերով ու ձորերով հասել են Կիրանցի մատույցներ, իրենց կյանքին էլ վտանգ է սպառնացել, երկինք են բարձրացրել անօդաչու թռչող սարքեր, ԱԱԾ և ոստիկանական ստորաբաժանումները մի 10 շղթա, կարծես գեղարվեստական ֆիլմ նկարեն, ամոթ է։
Գառնիկ Դանիելյանը նշեց, որ երեկ էլ քաղաքացիները ցանկանում էին Սրբազան հոր հետ շփվել, ծանր հոգեբանական վիճակում են գտնվում:
«Վրաստանից գալիս են՝ խնդիր չկա, Իրանից գալիս են՝ խնդիր չկա, Ռուսաստանից գալիս են՝ խնդիր չկա, խնդիրը մե՞նք ենք: Մենք հասկանում ենք, որ Ալիևը որոշել է, որ մենք չպետք է մտնենք, այստեղի աշխատողներին ասել է, որ չթողնեն մտնենք: Դպրոցի շրջակայքում էլ է սյուն տեղադրվել, եթե սյուներով նայենք՝ գյուղը կիսվում է երկու մասի՝ մի կողմը հայկական է լինելու, իսկ մյուսն՝ ադրբեջանական, բայց այդտեղ ոչ մեկ չի ապրելու»,- հավելեց նա:
Դանիելյանի խոսքով՝ խնդիրն այն է, որ ապօրինի գործողություն է իրականացվում է ու թույլ չեն տալիս գյուղ մտնել, կամուրջի մոտ են եղել:
Հիշեցնենք՝ մայիսի 15-ին Կիրանցում սահմանազատման գործընթացի վերաբերյալ ԱԳՆ հաղորդագրությունից հետո կիրանցիները կրկին ճանապարհը փակել էին:
