Հանրապետության հրապարակում լարված իրավիճակ է։
Ի պատասխան հարցին, թե Նիկոլ Փաշինյանը երեկ հայտարարել էր, որ իր հետ հանդիպման ընթացակարգ կա, եթե ցանկացողներ կան, թող դիմեն՝ Բագրատ Սրբազանն արձագանքեց. «Այո՛, կհանդիպենք կալանավայրում»։
Սրբազանը հավելեց, որ ինքն էլ գիտի, որ ընթացակարգ կա, կայցելի կալանավայր՝ հատուկ թույլտվությամբ, հիմա իրենց չեն թողնի այցելել, բայց էն ժամանակ կայցելի։
Հարցին, որ Փաշինյանը կալանավայրում չի՝ Սրբազանն արձագանքեց. «Բա որտե՞ղ է, այս պահին չե՞ք տեսնում որտեղ է։ Այս շենքն արդեն իսկ նա կալանավայր է դարձրել, նայեք՝ ինչքան ոստիկաններ կան»,- ասաց նա՝ նկատի ունենալով Կառավարության շենքը շրջափակած մեծաթիվ ոստիկանական ուժերին։
