«Գազ օիլ» ՍՊԸ-ի տնօրեն Ռաֆայել Այվազյանը, ով հերքեց, որ ինքը սեփականատերն է, լրագրողների հետ զրույցում ասաց, որ անվտանգության հետ կապված գազալցակայանը խնդիրներ չի ունեցել, և իրական պատճառը քննչական մարմինները կպարզեն։
«Չգիտեմ՝ ում «զակազն են» կատարում, բայց գազալցակայանը բոլոր թուղթ ու թանաքներն ունի, վկայականը կա, ԱՎՕ-ն անցած է (որպես արտադրական վտանգավոր օբյեկտ տեխնիկական անվտանգության փորձաքննություն), նույն հակահրդեհայինը եկել է, բոլոր հակահրդեհային պայմաններն ապահովված են եղել, տեսել է, որ ինքն անօրինական չի աշխատել այսքան ժամանակ»,-ասաց նա՝ խուսափելով տեսախցիկների առաջ խոսել։
Այվազյանը ասաց, որ շատ վարկածներ կան, սակայն դեռևս նախընտրում են չխոսել։
Դիտարկմանը, թե Կոտայքի մարզպետն ասել է, որ բազմաթիվ գրություններ են ուղարկել ընկերություն, հաշվի չի առնվել՝ Այվազյանը պատասխանեց, չգիտի՝ մարզպետն ինչ նկատի ունի, կարող է ավելի հին տվյալներ են, չի ուզում գնահատականներ տալ։ Կոնկրետ տնօրենը թուղթութանաքը կներկայացնի։
