Իրավապաշտպան Ռուբեն Մելիքյանը ֆեյսբուքյան ուղիղ եթերում հայտնել է՝ այս պահին հայտնի է 11 անձի ձերբակալության մասին, կարող է 1-2-ի մասով թիվն այլ լինել, քանի որ հնարավոր է՝ նույն մարդու մասով մեկից ավելի ահազանգ է եղել։ Այս մասին։
Ըստ Մելիքյանի՝ ինքն ուղևորվում է ՔԿ կենտրոնական մասնաշենք, քանի որ առավոտյան ՀՀ տարբեր բնակավայրերից տեղեկություններ են ստացվել, որ մարդկանց ձերբակալում ու բերում են ՔԿ։
Իրավապաշտպանը նշեց, որ մարդկանց ձերբակալել են Երևանի Բաղրամյան պողոտայում տեղի ունեցած ակցիայից հետո հարուցված քրեական վարույթի շրջանակում։
Ինչ վերաբերում է ոստիկաններին, ապա Մելիքյանը նշեց, որ ոստիկանների վերաբերյալ որևէ գործողություն չի կատարվում․ «Նրանց հավանաբար պարգևատրում են, պաշտոններն են բարձրացնում»։
Հիշեցնենք, որ ձերբակալությունների զանգվածային ալիքի մասին Մելիքյանը հայտնել էր ավելի վաղ՝ նշելով, որ ձերբակալություններ են տեղի ունեցել Մարտունիում, Գավառում, Վանաձորում, Ուջանում և Երևանում։
