Կիրանցում իշխանությունները կատարել են հակաօրինական, հակասահմանադրական, մեր պետության գոյությանը հակառակ հանցավոր գործ և դրա համար հպարտանում են, լրագրողների հետ զրույցում ասաց Բագրատ Սրբազանը:
«Բացի այդ, կատարել են այն հրահանգը, որը թելադրված է թշնամու կողմից, այսինքն` զիջել հայրենիքը։ Ստրուկի ու ճորտի պես գնացել են` ցույց տալու իրենց տիրոջը, Ադրբեջանի իշխանությանն ու նախագահին, որ մենք քո հրահանգը կատարել ենք, մեզ լավ աչքով նայի»,- ասաց Սրբազանն` անդրադառնալով Կիրանց ՔՊ-ականների այցին:
Նա ասաց, թե ՔՊ-ականները Կիրանցում մարդկանց չեն հանդիպել, որևէ մեկին չեն տեսել։
«Մարդկային ողբերգության վրա կառուցել են թշնամու թելադրանքից ու պարտադրանքից բխած, այսպես կոչված, սահմանը: Եթե Արցախը հանձնել են ու հպարտ են` ամեն ինչը կհանձնեն ու հպարտ կլինեն»,- նշեց Բագրատ Սրբազանը։
facebook sharing buttonmessenger sharing buttontwitter sharing buttontelegram sharing buttonskype sharing buttonpinterest sharing buttonsharethis sharing button
