«Ժողովուրդ» օրաթերթը գրում է․ «Երեկ Երևանի Սայաթ-Նովա փողոցն ամբողջությամբ պարալիզացվել էր, քանի որ վարչապետ Նիկոլ Փաշինյանը «ուղևորվում» էր ՔՊ վարչության նիստին: «Ժողովուրդ» օրաթերթի աղբյուրները փոխանցում են, որ ՔՊ-ն սկսել է արդեն իր ներսում «մաքրել» շարքերը, որպեսզի 2026 թվականի խորհրդարանական ընտրություններին կարողանան հաղթանակ ապահովել:
ՔՊ վարչությունը հաստատել է նաև Աբովյանի Տարածքային կազմակերպության խորհրդի նախագահի պաշտոնում Հովհաննես Աբրահամյանի և Բերդի Տարածքային կազմակերպության խորհրդի նախագահի պաշտոնում՝ Սևակ Բադալյանի թեկնածությունները։
Ըստ մեր աղբյուրների` Փաշինյանը նպատակ է դրել մարզերում, վարչական շրջաններում ունենալ այնպիսի անձինք, որոնք հեղինակություն ունեն ու չեն տապալի իրենց առջև դրված խնդիրները. ու նաև դա է պատճառը, որ Փաշինյանը տևական շրջայցեր է կատարում մարզերում, տարբեր վարչական շրջաններում: Ըստ մեր աղբյուրների` առաջիկայում կրկին տարբեր վայրերում ՔՊ-ականների կհեռացնեն` փոխարինելով նոր թեկնածուներով»:
Մանրամասները՝ «Ժողովուրդ» օրաթերթի այսօրվա համարում։
