Թուրքիայի նախագահականի ռազմարդյունաբերության վարչությունը հայտարարել է, որ Ադրբեջանի և թուրքական ռազմարդյունաբերական ընկերությունների միջև նոր համաձայնագրեր են ստորագրվել: Համաձայնագրերը վերաբերում են էլեկտրական ռազմական մեքենաների համատեղ զարգացմանը, խելացի զինամթերքի արտադրությանը, սիմուլյացիոն վարժական տեխնոլոգիաների և զինամթերի արտադրության գծին, ռազմավարական ցանցային հաղորդակցման համակարգին, օդային պլատֆորմների հաղորդակցության մոդեռնիզացմանը և նման մի շարք այլ ծրագրերի: Թուրք-ադրբեջանական ռազմական համագործակցությունը խորանում է և բարձրանում է որակապես նոր մակարդակի։ Ադրբեջանական բանակն անցնում է ՆԱՏՕ-ական չափանիշներին՝դրանով նվազեցնելով իր ռազմա-տեխնիկական կախվածությունը ռուսական և խորհրդային զինատեսակներից։ Ադրբեջանական բանակը դե-ֆակտո վերածվում է թուրքական զինուժի ստորաբաժանման։ Թուրք-ադրբեջանական միացյալ բանակն ուղիղ սպառնալիք է ՀՀ-ի անվտանգությանն ու հայ ազգի ֆիզիկական գոյությանը։ Ապագա թուրանական բանակը սպառնում է նաև ՌԴ-ին և Իրանին ու այս առումով ՀՀ-ն պետք է ռազմական կապերը խորացնի Մոսկվայի և Թեհրանի հետ՝Սյունիքը հայկական պահելու և հայ-թուրքական սահմանն ապահովագրելու համար։ Ադրբեջանը պատրաստվում է մեծ պատերազմի՝Փաշինյանը հեծանիվ է վարում և Էրդողանի գիրքն է ապագայում ընթերցելու։ Հայոց պետականության համար սպառնալիք են թուրք-ադրբեջանական զորքերն ու ՔՊ-ականների դիլետանտ կառավարումը։
Անդրանիկ Պետրոսյան
