Ռուսաստանի նորացված միջուկային դոկտրինը ենթադրում է, որ Ռուսաստանի Դաշնության խորքերը հեռահար զենքով հարվածներ հասցնելու՝ Ուկրաինային թույլտվություն տալը կարող է հիմք դառնալ միջուկային զենքի կիրառման համար, ասել է Պետդումայի պաշտպանության կոմիտեի ղեկավար Անդրեյ Կարտապոլովը։
Նրա պնդմամբ, դրա պատճառով «Ռուսաստանի արևմտյան նախկին գործընկերները լարվել են»։
«Դա կարող է լինել հիմքը, բայց որոշումը կկայացնի Գերագույն գլխավոր հրամանատարը։ Դա կարող է տեղի ունենալ»,- ասել է Կարտապոլովը՝ հավելելով, որ կան բազմաթիվ տարբեր գործոններ, ուստի «անհնար է միանշանակ ասել», բայց նաև բացառել նման սցենարը։
