Լևոն Նազարյանն գրում է․
Սիրտը մանդատ է ուզում, ու էլի ուրիշի հաշվին
Ասում են, որ 2012թ.֊ի ԱԺ ընտրություններում, անհայտ իրավաբան Էդմոն Մարուքյանին, պատահաբար դարձրին պատգամավոր, որովհետև որոշվել էր, որ ինչ-ինչ պատճառներով պետք էր «պատժել» հայտնի լոռեցի պատգամավոր Վիկտոր Դալաքյանին: Ասել է թե, Էդմոնը «ուրիշի հաշվին» դարձավ պատգամավոր:
2017թ. ապրիլին մեր Էդմոնը պատգամավոր դարձավ ԵԼՔ դաշինքով՝ հիմնականում Նիկոլի ունեցած ընդդիմադիր վարկանիշի հաշվին: Այսինքն՝ պատգամավոր դարձավ էլի ուրիշի հաշվին:
2018թ. դեկտեմբերին Էդմոնը և ԼՀԿ-ում մանդատի խաթըր հավաքագրված ևս 17 մարդ, պատգամավոր դարձան աշխարհաքաղաքական ուժերի կոշտ ազդեցությամբ տեղի ունեցած իշխանափոխության, դրա հետևանքով սկսված էյֆորիայի և ՀՀ ընտրական օրենսդրության տված բոնուսների հաշվին: Այսինքն, շուն, գել, … ինչ կենդանի ուզում է լինի՝ միայն ՀՀԿ չլինի: Այսինքն մեր կլասսիկ Էդմոնը, կրկին պատգամավոր դարձավ ոչ թե իր քաղաքական կշռի, այլ բացառապես իրադարձությունների՝ իր համար նպաստավոր պայմանների հաշվին: Ասել է թե, ԱԺ մանդատներն իրենց ոտքով եկան ու ընկան իրենց գրպանը:
Ոչ ոք չի մոռացել իհարկե, որ ամենավերջին ամենապահին «հեղափոխական» դարձած Էդմոնը, Նիկոլի հետ միասին, մի բաժակ կոֆեով «խմել է» Արցախը ու չի մարսելու:
2021թ.֊ի հունիսին Էդմոնի ԼՀԿ-ն 15600 ձայն ստացավ ու չանցավ ԱԺ: Այնուհետ՝ հատուկ հանձնարարությունների դավադիր առաքելությունն ավարտած, Արցախը Ադրբեջանին հանձնողներին լուռ ծառայած էդմոնը, հիմա էլ հաջորդ ԱԺ-ում իր մանդատի մասին է մտածում: Եվ էլի ուրիշի հաշվին:
Ասում է, թող շուրջ 339000 քվե ստացած երկու ընդդիմադիր ուժերի ղեկավարները գնան տուն, որպեսզի շերեփուկի քաշով մանր-մունր կուսակցությունները շարունակեն նիկոլիզմի հետ միասին կործանել երկիրը:
Պետության ու հայրենիքի առջև Սերժ Սարգսյանի ունեցած վաստակի 1%-ն ունեցեք, հետո խոսեք: Մարդիկ արդեն անթաքույց խոսում են «…երկիրն էս վիճակից դուրս բերելու համար, թե մի բան անի՝ էլի Սերժ Սարգսյանը կարա անի»: Վստահ եմ, որ Էդմոնն էլ է այդպես մտածում:
