Ադրբեջանը 2025թ․-ին պաշտպանության վրա ծախսելու է 5 միլիարդ դոլար։ Ադրբեջանը խաղաղության փոխարեն պատրաստվում է Սյունիքի գրավմանը։ Բաքվի ռազմականացմանը Փաշինյանը պատասխանում է հեծանիվ վարելով, իսկ ՔՊ-ականները հարստանալով ու ԱԺ-ում միմյանց հայհոյելով։ ՀՀ քաղաքացիները հասկանում են, որ ոչ Փաշինյանը, ոչ ՔՊ-ն ոչինչ չեն կարող անել, երբ Ադրբեջանը նոր հարձակում իրականացնի։ Արցախը հանձնած, ՀՀ սուվերեն տարածքները Բաքվին նվիրող ՔՊ-ական դիլետանտական խմբակն ունակ չէ դիմագրավելու ոչ Ադրբեջանին, ոչ թուրք-ադրբեջանական տանդեմին։ Խաղաղության ձգտող երկիրը չէր վերազինվի և ՀՀ-ի առջև նոր պահանջներ չէր ներկայացնի։ Ալիևը պատրաստվում է Սյունիքն ու Սևանա լճի արևելյան ափը գրավել՝այդ շրջանները բնակեցնել ադրբեջանցիներով՝պատահական չէ, որ ՀՀ-ի մեծ մասը Բաքուն անվանում է «Արևմտյան Ադրբեջան»՝դրանով ստեղծելով քարոզչական հիմք՝այդ տարածքներն օկուպացնելու համար։ Փաշինյանը վատթարացնում է կապերը ՌԴ-ի հետ, Արևմուտքն էլ ոչինչ չի անելու, երբ ադրբեջանական զորքերը մուտք գործեն Սյունիք։ Փաշինյանը հայ ժողովրդին միայնակ է թողնելու Բաքվի նոր ագրեսիային ընդառաջ։ Փաշինյանն ու ՔՊ-ն փախչելու են Արևմուտք՝վայելելու միլիարդավոր դոլարները, իսկ ՀՀ հպարտ քաղաքացիները միայնակ են պաշտպանելու ՀՀ սահմանները։ Ադրբեջանն ինտենսիվորեն զինվում է, քանի որ Մերձավոր Արևելքում իրավիճակը սրվում է՝Իրանի դեմ Իսրայելը պատրաստվում է լայնածավալ պատերազմ հրահրել, ինչից Բաքուն ցանկանում է օգտվել՝Սյունիքն օկուպացնելու և Նախիջևանի ու Թուրքիայի հետ միանալու համար։
Անդրանիկ Պետրոսյան
