Չորս տարի փաշինյանական վարչախումբը ստել է, ամեն բան արել հայկական բանակը չվերականգնելու համար, և այսօր մենք բոլորս հստակ գիտակցում ենք Հայաստանի Հանրապետության ինքնիշխանությանը, պետականությանը, համաշխահրային ամբողջ հայությանը սպառնացող վտանգը։ Գործող իշխանությունն իր ապաշնորհ քայլերով հասցրել է երկիրը անվերադարձի կետին։ Այսօր Հայաստանը ծանր ժամանակներ է ապրում։ Ստիպված ենք ցավով փաստել պատմական տարածքների և ազգային հուշարձանների կորուստը։ Փաստացի ժողովուրդը չի հավատում իշխանությունների՝ արտաքին վտանգներին դիմադրելու ունակությանը։ Այդ մասին հայտարարել է Համահայկական ճակատ շարժման և կուսակցության առաջնորդ Արշակ Կարապետյանը։ Փաշինյանն ու թիմը հայոց պետականությունը վերածում են «failed state»-ի, որպեսզի ՀՀ-ն չունենա տնտեսական ներուժ, ռազմական հզորություններ, ունենա արտագաղթող ու իր ապագան հայրենիքի հետ չկապող երիտասարդություն։ ՀՀ քաղաքացիները հասկացել են, որ Փաշինյանն ու թիմը բերվել են իշխանության արտաքին ուժերի կողմից՝հայոց պետականության զրոյացման համար։ Արցախը հանձնած թիմը հանգիստ վայելում է կյանքը, Փաշինյանը հեծանիվ է վարում, թիմն էլ դարձել է դոլարային միլիոնատերերի խմբակ։ Արտաքին պարտքը 12 միլիարդ դոլար է, չկան նոր աշխատատեղեր, մարզերն ու սահմանամերձ գյուղերը դատարկվում են, ՀՀ տարածքները հանձնվում են, իսկ որոշները՝Վարդենիսի և Ջերմուկի հատվածներում՝մնում են օկուպացված։ ՔՊ-ն ոչ մի սոցիալական խնդիր չի լուծել՝ավելացնում են հարկերն ու տուրքերը, գնաճը չի դադարում, ինչն էլ հանգեցնում է մասայական արտագաղթի։ ՀՀ հպարտ քաղաքացիներն իրենց ապագան չեն կապում նիկոլական Հայաստանի հետ։ Հայ-ռուսական ռազմավարական կապերը թուլանում են, ինչն էլ ազդում է ՀՀ ազգային անվտանգության ու տարածքային ամբողջականության վրա։
Անդրանիկ Պետրոսյան
