Հեղափոխական մորուքը սափրելուց մոտ 2 շաբաթ առաջ պարզվում է՝ Նիկոլ Փաշինյանն իր այդ մտադրությունը քննարկել է նեղ թիմի հետ։ Լսել է նրանց կարծիքն ու առաջարկները՝ երբ սափրի մորուսը և նախկին խրոխտ հռետոր, իշխանություններին քննադատող ընդդիմադիր ներկայանա հանրությանը: Փաշինյանն ու թիմը այնքան անհոգ են, որ քննարկում են ոչ թե Ադրբեջանի մոտակա հարձակումն ու 13 միլիարդ դոլարի հասնող արտաքին պարտքը, այլ հեծանիվի սիրահար վարչապետի սափրվելը կամ չսափրվելը։ Հայոց պետականությունն ոչնչացնող ՔՊ-ական թիմին հուզում է Փաշինյանի մորուքը՝հայ ազգի ու արցախահայերի ճակատագիրը նրանց չի հետաքրքրում։ ՔՊ-ն 2018թ․-ից մինչև այսօր ապացուցել է, որ նրանց համար կա միայն մեկ նպատակ՝հարստանալ ու մնալ իշխանության՝Բաքվի, Արևմուտքի կամ այլ ուժային կենտրոնների շահերը սպասարկելով։ Նրանց համար չկան կարմիր գծեր՝եթե պետք է հանձնել Արցախը՝ոչ մի խնդիր, կազմաքանդել բանակը՝ոչ մի խնդիր և այդպես շարունակ։ Փաշինյանին այսօր հուզում է մեկ հարց՝ինչպես մնալ իշխանության՝տարիներ շարունակ հակառուսական քարոզչությունից հետո այսօր պետք է ինչ-որ կերպ փորձել սիրաշահել Մոսկվային, քանի որ հենց ՌԴ-ն է որոշելու ՔՊ-ի ճակատագիրը։ Թրամփ-Պուտին ապագա բանակցություններում հետխորհրդային երկրները վերադառնալու են ՌԴ-ի ազդեցության գոտի, այդ թվում ՀՀ-ն՝հեծանիվի սիրահար Փաշինյանի հետ միասին։ ՔՊ-ն սարսափում է իշխանությունը կորցնելու մտքից, քանի որ նրանք գիտեն, թե ինչ են արել ՀՀ-ի ու Արցախի դեմ։
Անդրանիկ Պետրոսյան
