ՀՀԿ ԵԿ նախագահ Հենրիխ Դանիելյանն արձագանքել է Տիգրան Ավինյանի այսօրվա հայտարարությանը՝ իր այցի համար գնված ինքնաթիռի տոմսերի արժեքի մասին։
Ավինյանը հայտրարել էր, իբրև ապշել է, երբ իմացել է, թե որքան թանկ գին է վճարվել ինքնաթիռի իր տոմսերի համար ու նշել էր, թե դա «ընդհանուր անպատասխանատվության և անտարբերության խնդիր է»։
Դանիելյանն այս համատեքստում ընդգծել է՝ ամենամեծ անպատասխանատվությունն այն է, որ Ավինյանը քաղաքապետ է։
«Ավինյան Տիգրանը որոշել է իր սեփական միջոցներով փոխհատուցել 7.200.000 դրամը, որը ծախսվել էր իր ԱՄՆ թռիչքի վրա։
«Իսկ անկեղծ ասած, ես ինքս էլ մի փոքր ապշած էի այդ ծախսերից, և հետո մի փոքր խորացա ու հասկացա, որ կարծում եմ՝ այստեղ կա ընդհանուր անպատասխանատվության և անտարբերության որոշակի խնդիր»,- ասել է Ավինյանը։
Լավ, այն, որ ձեր թիմի յուրաքանչյուր անդամ անգամ երազում չէր կարող տեսնել «բիզնես» դասով չվերթները՝ դա մենք գիտենք։ Այն, որ դուք խաբեցիք բոլորին 2018-ին՝ ասելով, որ ժողովրդի կյանքն է բարելավվելու, բայց բարելավեցիք միայն ձերը՝ դա էլ է փաստ։ Անտարբերության և անպատասխանատվության պատճառը և խնդիրը հենց այն է, որ Երևանի քաղաքապետը Դուք եք, պարոն Ավինյան, քանի որ ձեզանից բացի ոչ ոք մեղավոր չէ, և քաղաքապետարանի բոլոր ձախողումների համար Դուք եք պատասխանատու։
Հիմա՝ վերադառնալով ձեր թանկարժեք գործուղումներին. իրոք կարծում եք, որ մարդիկ հավատո՞ւմ են ձեր զարմանքին։ Իսկ երբ գնացել եք այնտեղ՝ չեք զարմացե՞լ, թե ինչպես եղավ, որ Դուք նման լավ միջավայրում և թանկարժեք սրահում եք նստած։ Թե՞ բանավեճի ժամանակ խայտառակ լինելուց հետո նոր մի փոքր ապշեցիք։
Հերի՛ք է խաբեք ու մարդկանց էշի տեղ դնեք։ Քաղաքապետարանը դարձրել եք թալանի և կոռուպցիայի որջ, ու դեռ ինչ-որ բաների վրա իբր զարմանում եք։ Իսկ երևանցին ապշում է, թե Երևանի քաղաքապետը այդ 7.200.000 դրամը որտեղի՞ց է փոխհատուցում։ Որտեղի՞ց հեղափոխական «թավշյա» քաղաքապետին փոխհատուցման գումար, որը գրեթե հավասար է իր տարվա աշխատավարձին»,- սոցցանցի իր էջում գրել է Հենրիխ Դանիելյանը։
